rusiye ukraina urushining uzarap kétishini yene gherbke donggidi

rusiye ukraina bilen dawamlishiwatqan urushta yene gherbni eyiblidi.

1851557
rusiye ukraina urushining uzarap kétishini yene gherbke donggidi

türkiye awazi radiyosi xewiri: rusiye prézidéntliq sariyi krémil bayanatchisi dimitriy péskow rusiye 1 téléwiziye qanilining programmisigha qatnashti.

péskow gherbning urushni uzartish üchün ukrainagha bésim qiliwatqanliqini ilgiri sürüp, «gherblikler tinchliqqa we muzakirige qiziqmaydu, ular urushni uzartishqa tirishmaqta» dédi.

péskow amérikaning rehberlikide, ukrainaliqlarning tinchliq heqqide oylinishi we söz qilishigha yol qoyulmaywatqanliqini éytti.

péskow gherb döletliri rehberlirining yéqinqi bayanatliri toghrisidiki soalgha jawab bérip, «hazir weziyetni peseytish teshebbusigha bolghan telep azaydi. emma biz baldur yaki kéyin mötidilliqning ghelibe qilidighanliqidin gumanlanmaymiz. yene muzakirilishidighan waqit kélidu, lékin uningdin ilgiri ukrainaliqlar bizning barliq shertlirimizni yene bir qétim chüshinishi, ulargha razi bolishi, olturup nurghun tereplerde burunla biz kélishken höjjetni muqimlashturishi lazim» dédi.

rusiye bayanatchisi yawropa rehberlirining peqet öz döletliriningla menpeetini oylaydighanliqini tekitlidi.

rusiye qisimliri 24-féwralda ukrainagha hujum bashlighan idi.


خەتكۈچ: #urush , #ukraina , #rusiye

مۇناسىۋەتلىك خەۋەرلەر