русийә украина урушиниң узарап кетишини йәнә ғәрбкә доңгиди

русийә украина билән давамлишиватқан урушта йәнә ғәрбни әйиблиди.

1851557
русийә украина урушиниң узарап кетишини йәнә ғәрбкә доңгиди

түркийә авази радийоси хәвири: русийә президентлиқ сарийи кремил байанатчиси димитрий песков русийә 1 телевизийә қанилиниң программисиға қатнашти.

песков ғәрбниң урушни узартиш үчүн украинаға бесим қиливатқанлиқини илгири сүрүп, «ғәрбликләр тинчлиққа вә музакиригә қизиқмайду, улар урушни узартишқа тиришмақта» деди.

песков американиң рәһбәрликидә, украиналиқларниң тинчлиқ һәққидә ойлиниши вә сөз қилишиға йол қойулмайватқанлиқини ейтти.

песков ғәрб дөләтлири рәһбәрлириниң йеқинқи байанатлири тоғрисидики соалға җаваб берип, «һазир вәзийәтни пәсәйтиш тәшәббусиға болған тәләп азайди. әмма биз балдур йаки кейин мөтидиллиқниң ғәлибә қилидиғанлиқидин гуманланмаймиз. йәнә музакирилишидиған вақит келиду, лекин униңдин илгири украиналиқлар бизниң барлиқ шәртлиримизни йәнә бир қетим чүшиниши, уларға рази болиши, олтуруп нурғун тәрәпләрдә бурунла биз келишкән һөҗҗәтни муқимлаштуриши лазим» деди.

русийә байанатчиси йавропа рәһбәрлириниң пәқәт өз дөләтлириниңла мәнпәәтини ойлайдиғанлиқини тәкитлиди.

русийә қисимлири 24-февралда украинаға һуҗум башлиған иди.



مۇناسىۋەتلىك خەۋەرلەر