nato hindi-tinch okyan rayonida xitaygha qarshi özara hemkarliqlarni kücheytidu

türkiye awazi radiyosi xewiri: nato bash katipi stolténbérg ispaniye payteiti madridta échilghan nato bashliqlar yighini jeryanida axbarat élan qilish yighini ötküzdi.

u yighinning tünügünki (29-iyun) qismida hindi-tinch okyan rayonidiki shérik döletlerning rehberliri bilen bir yerge jem bolghanliqlirini bildürüp, xitayning yéqinqi yillarda rayonda yadro qorallirini öz ichige alghan herbiy küchini ashurghanliqini eskertti.

u: «xitay wekillik qilghan sinaqlarni yaxshi bilishimiz kérek. nato hindi-tinch okyan rayonida, mudapie, yéngi téxnologiyeler, xewpsizlik we kilimat özgirishi saheliride özara hemkarliqlirini kücheytishi kérek» dédi.

u, yighinda ukrainagha uzun muddetlik yardem qilish pilan-layihesining testiqlanghanliqini bildürüp, bosniye-gértségowina, moldowa we giruziye qatarliq döletlerge rusiyege qarshi yardem qilishni dawam qilidighanliqlirini qeyt qildi.

u yene, natoning jenubtiki qanitidin kelgen tehditlerge qarshi inkas qayturushni dawamlashturidighanliqlirini, mawritaniye üchün bir aldini élish pilan-layihesini testiqlighanliqlirini we shimaliy afriqadin kéliwatqan köch dolqunining aldini alidighanliqlirini tekitlidi.