amérikada tashlanduq yük mashinisida ölgenlerning sani 51 ke yetti

türkiye awazi radiyosi xewiri: dairiler san antoniyoda tashlanduq yük mashinisidin bayqalghan jesetlerning sanini deslepte 46 dep élan qilghan idi.

yük mashinisida hayat qalghan we balnéstqa élinghan 4 kichik balini qoshqanda jemiy 16 kishidin 5 nepirining kéyinche doxturxanida qaza qilghanliqi bildürüldi.

qanunsiz halda amérikigha kirmekchi bolghan we qanunsiz ishchilar ikenliki texmin qilinghan jenubiy amérikaliq köchmenlerdin 22 nepirining méksika puqrasi, 7 nepirining gwatémala puqrasi, 2 nepirining gonduras puqrasi ikenliki, qalghanlarning bolsa salahiyet tekshürülishi téxi tamamlanmighanliqi uqturuldi.

san antoniyo saqchi idarisi bashliqi wilyam mékmanus düshenbe küni chüshtin kéyin san antoniyogha yéqin bir chöl yolida tashlanduq yük mashinisidin yardem telep qilghan awazlar anglighanliqini, mesullargha ehwal yetküzülgendin kéyin yük mashinisi tekshürülgende ichide jesetlerning bayqalghanliqini bildürgen idi.

mékmanus tashliwétilgen yük mashinisining shopuri we uning yénidiki ikki kishining nezaretke élinghanliqini bildürgen emma ismini ashkarilimighan idi.