sholz shiwétsiye bilen finlandiyening natogha eza bolushi toghrisidiki kélishimge yuqiri baha berdi
gérmaniye bash ministiri olaf sholz, shiwétsiye bilen finlandiyening shimaliy atlantik ehdi teshkilati — natogha qobul qilinishigha munasiwetlik kélishimni qizghin qarshi aldi.
türkiye awazi radiyosi xewiri: bash ministir sholz ispaniyening paytexti madridta ötküzülgen nato bashliqlar yighinida söz qilip, «bu biz üchün intayin muhim bir ish. her ikki dölet ittipaqdashliqimizgha nahayiti mas kélidu» dédi.
u, ukrainagha insanperwerlik we iqtisadiy yardemler bilen birlikte téximu köp qoral-yaragh yetküzüp bérishke wede qilip, «ukraina jiddiy éhtiyajliq bolghan qorallar derhal teyyarlinidu. ukrainaning özini mudapie qilalishi üchün, bu ishni ehwalgha qarap uzunghiche küchlük shekilde dawamlashturimiz» dédi.
gérmaniye dölet mudapie ministiri kristiné lambréxt bolsa, dölitining ukrainani üch dane özlükidin heriketlinidighan xowitzér bilen teminleydighanliqini éytti.
u yene, gérmaniyening 15000 esker bilen natoning yuqiri teyyarliq küchini qollaydighanliqi toghrisidiki uchurlarni ortaqlashti.
gérmaniye armiyesi hazirghiche 40 kilométir menzillik éghir tiptiki zembirektin yettini ukrainagha yetküzüp berdi.
