zélénskiy: «rusiye dunyadiki eng chong térrorluq teshkilatigha aylandi»

ukraina pirézidénti wolodimir zélénskiy rusiye qisimlirining kréménchuktiki ichide 1000 din artuq puqra bolghan bir soda merkizige bashqurulidighan bomba bilen hujum qilghanliqini élan qildi.

1848978
zélénskiy: «rusiye dunyadiki eng chong térrorluq teshkilatigha aylandi»

türkiye awazi radiyosi xewiri: rusiyening kréménchuktiki soda saraygha qilghan hujumida 16 kishi jénidin ayrilip, 59 kishi yarilandi.

ukraina pirézidénti zélénskiy télégramma adrésida élan qilghan bayanatida, poltawa rayonigha qarashliq kréménchuk shehiridiki bir soda merkizige rusiye qisimlirining bashqurulidighan bomba bilen hujum qilghanliqini bildürüp: «bu térrorluqtin bashqa nerse emes. yer yüzide héchqandaq orni bolmasliqi kérek bolghan sarang térrorchilarla bundaq jaygha bashqurulidighan bomba atalaydu. bu hergizmu xata halda qilinghan bashqurulidighan bomba hujumi emes. bu soda sariyigha qarita yaxshi pilanlanghan rusiye hujumidur» dédi.

u rusiye qisimlirining yene xarkiw shehirigimu hujum qilghanliqini we hujumda 5 kishining jénidin ayrilghanliqini, 5 kichik balini qoshqanda jemiy 30 din artuq kishining yarilanghanliqini bildürüp, rusiyening ukraina zéminigha texminen 2800 dane bashqurulidighan bomba atqanliqigha dair melumatni hembehirlidi.

u: «rusiye dunyadiki eng chong térrorluq teshkilatigha aylandi. bu bir heqiqet. buning qanuniy teripimu bolushi kérek. dunyadiki hemmeylen shuni bilishi kérekki, rusiyening néfitini sétiwélish we toshush, rusiye bankaliri bilen hemkarlishish, rusiyege baj tapshurush... qatarliqlar térrorchilargha pul bergenlik bolidu. dunya rusiyening térrorluqni toxtitalaydu we toxtitishi kérek» dédi.



مۇناسىۋەتلىك خەۋەرلەر