g7 rehberliri rusiyening ukrainadiki soda saraygha qilghan hujumigha «urush jinayiti» dep baha berdi
g7 (eng tereqqiy tapqan 7 iqtisadiy gewde) rehberliri ukrainaning kréménchuk shehiridiki bir soda saraygha, rusiyening bashqurulidighan bomba bilen hujum qilghanliqini eyiblep, «urush jinayiti» dep baha berdi.
1848994
türkiye awazi radiyosi xewiri: gérmaniyede dawamlishiwatqan g7 rehberliri yighinida, rehberler birleshme bayanat élan qilip, özlirining soda saraygha qilinghan qebih hujumni küchlük eyibleydighanliqlirini bildürdi.
bayanatta: «bu wehshiyane hujumning bigunah qurbanlirigha teziye bildürimiz we ukrainaning yénida bolimiz. bigunah puqralargha ayrip olturmastin qilinghan bu hujum urush jinayitidur. rusiye pirézidénti wladimir putin we mesullar jawabkarliqqa tartilidu» déyildi.
rehberler ukrainagha iqtisadiy, insanperwerlik we herbiy yardem bérishning dawamlishidighanliqini tekitlep: «rusiye ukrainagha qarshi rehimsiz we menisiz urushni axirlashturmighuche jim turmaymiz» dédi.
ukrainaning kréménchuk shehiridiki bir soda merkizige rusiyening bashqurulidighan bombisi chüshüshi netijiside, 16 kishining jénidin ayrilip, 59 kishining yarilanghanliqi bildürülgen idi.
مۇناسىۋەتلىك خەۋەرلەر
jenubiy koréyede qara yamghur su apitini keltürüp chiqardi
jenubiy koréyede ölüm hadisiliri bilen netijilengen qara yamghur éghir su apitini keltürüp chiqardi.
