wolodimir zélénskiy g7 rehberliridin téximu köp qoral yardem qilishni telep qildi

ukraina pirézidénti wolodimir zélénskiy g7 rehberliridin rusiyege qarshi hawa mudapie sistémisi qatarliq téximu köp qoral yardem qilishni telep qildi.

1848785
wolodimir zélénskiy g7 rehberliridin téximu köp qoral yardem qilishni telep qildi

türkiye awazi radiyosi xewiri: zélénskiy gérmaniyening sahibxanliqida bawariyediki élmaw sariyida ötküzülüwatqan g7 rehberler yighinigha sinliq  qatniship nutuq sözlidi.

zélénskiy amérika, engiliye, kanada, firansiye, gérmaniye, italiye we yaponiye rehberliridin öz döliti üchün hawa mudapie sistémisi qatarliq téximu köp qoral yardem qilishni telep qildi.

u g7 döletliri rehberlirini rusiyege téximu köp émbargo yürgüzüshke chaqirish bilen birge, g7 rehberliridin ukrainaning ashliq mehsulatlirini éksport qilishigha shundaqla ukrainaning qayta qurulushigha iqtisadiy yardem bérishni telep qildi.

yene bir tereptin, rusiye-ukraina urushi 124 – künini toldurghan bir weziyette, ukrainadiki  urush we urushning yémeklik, énérgiye bixeterliki we dunya iqtisadigha körsitidighan tesirliri, g7 rehberliri yighinining ikkinchi künidiki muhim témilar qattaridin orun aldi.

g7 rehberliri bügün (27-iyun)beshinchi qétimliq yighinda kilimat, énérgiye we sehiye saheside téximu yaxshi kelgüsi üchün meblegh sélishni muzakire qilishni pilanlimaqta.

rehberler chüshtin kéyin «dunya ashliq bixeterliki we jinsiy barawerlik» témiliq altinchi yighingha qatnishidu.

yighinda, b d t bash katipi antoniyo gutérs sin arqiliq rehberler bilen «yer shari ashliq kirizisi» ni muzakire qilidu.

g7 rehberliri yighinning ikkinchi küni xanimliri bilen birlikte kechlik ziyapetke qatnashqandin kéyin, yéghin axirlishidu.



مۇناسىۋەتلىك خەۋەرلەر