пакистан һиндистанға наразилиқ билдүрди

пакистан ташқи ишлар министирлиқи һиндистанниң 2023 - йиллиқ г 20 дөләтләр гуруһи йиғинини җамму кәшмирдә өткүзүш пиланиға наразилиқ билдүрүп, өзлириниң буни қобул қилмайдиғанлиқини елан қилди.

1848293
пакистан һиндистанға наразилиқ билдүрди

түркийә авази радийоси хәвири: пакистан ташқи ишлар министирлиқи тәрипидин елан қилинған байанатта, һиндистан таратқулирида йеңи деһли даирилириниң г 20 дөләтләр гуруһи йиғинини җамму кәшмирдә өткүзидиғанлиқи тоғрисида бәзи хәвәрләрниң чиққанлиқи  билдүрүлди.

байанатта, җамму кәшмирниң хәлқарада пакистан билән  һиндистан оттурисидики талаш-тартишлиқ район дәп тәриплинидиғанлиқи әскәртилип, һиндистанниң бу хил тәшәббусиниң рәт қилинидиғанлиқи уқтурулди.

районниң 1947 - йилдин буйан «һиндистанниң мәҗбурий вә қанунсиз ишғалийити» астида туруватқанлиқи тәкитләнгән байанатта йәнә, җамму кәшмир муназирисиниң б д т бихәтәрлик кеңишиниң күн тәртипидә туриватқиниға 70 йилдин ашқанлиқи әскәртилди.

байанатта, г 20 дөләтләр гуруһи йиғинлириниң җамму кәшмирдә пиланлинишиниң хәлқара җәмийәт һәргиз қобул қилалмайдиған күлкилик әһвал икәнлики уқтурулди.

«NDTV» қанилиниң хәвиридә, йеңи деһли даирилириниң 2023 - йиллиқ г 20 дөләтләр гуруһи йиғинини җамму кәшмирдә ечишни пиланлиғанлиқи вә һиндистан ташқи ишлар министирлиқиниң райондики мунасивәтлик органларға зөрүр болған тәййарлиқларни қилиш буйруқи  чүшүргәнлики билдүрүлгән иди.



مۇناسىۋەتلىك خەۋەرلەر