jo baydin rusiyedin altun import qilishni chekleydighanliqini élan qildi

amérika pirézidénti jo baydin gérmaniyening bawariye ölkisidiki élmaw sariyida ötküzülidighan g 7 rehberler yighinida rosiye-ukraina urushi sewebidin rusiyedin altun import qilishni chekleydighanliqini élan qildi.

1848280
jo baydin rusiyedin altun import qilishni chekleydighanliqini élan qildi

türkiye awazi radiyosi xewiri: baydén tiwittér hésabida élan qilghan yazmisida, rusiyening ukraina urushidiki iqtisadiy menbesini  tosush üchün amérikaning rusiye pirézidénti wiladimir putinning aldigha misli körülmigen chiqimlarni qoyghanliqini bildürdi.

baydin, «g 7 rehberler yighinida amérika, engiliye, kanada, fransiye, gérmaniye, italiye we yaponiye bilikte rusiyening nechche on milyard dollarliq muhim éksport mehsulatliridin biri bolghan altunni import qilishni chekleydighanliqimizni élan qilimiz» dédi.

rusiye bultur texminen 331 ming tonna altun ishlepchiqirish bilen xitaydin qalsila ikkinchi chong altun ishlepchiqarghuchi dölet bolghan idi. altun rusiyening énérgiyedin kéyinki ikkinchi muhim éksport mehsulati dep bilinidu.

dunyaning iqtisadi we siyasiy mesililirini hel qilishta muhim munberlerning birsi hésablinidighan g7 rehberliri yighini gérmaniyening bawariye ölkisidiki élmaw sariyida ötküzülidu.

g7 rehberliri yighini bügün bashlinip, 28 - iyunda axirlishidu.

dunyaning 7 chong iqtisadiy gewdisini bir yerge jem qilidighan g7 rehberliri yighini, rusiye-ukraina urushi sewebidin dunyada énérgiye we yémeklik bahasi örlep ketkendin bashqa yene, iqtisadta toxtap qélish we yuqiri derijilik pul  paxalliqi teng yüz bériwatqan, qatmal halet depmu atalghan bir weziyette  ötküzülmekte.

g7 rehberlirining asasliq témisi rusiyening ukrainagha qarshi élp bériwatqan urushi we uning iqtisadiy aqiwetliri bolidu.


خەتكۈچ: #altun , #rusiye , #jo baydin

مۇناسىۋەتلىك خەۋەرلەر