altun yawropa döletlirining türkiyege tutuwatqan pozitsiyesini tenqid qildi

türkiye awazi radiyosi xewiri: türkiye jumhuriyiti jumhur reislik mehkimisi uchur – alaqe ishliri idarisi bashliqi fahrettin altun, «eljezire» de maqale élan qilip, alaqidar tereplerning diqqitini girétsiyening ege déngizida tashlighan qedemliri peyda qilghan jiddiychiliklerge tartti.

maqaliside, girétsiyening yéqinqi bir qanche aydin buyan ege déngizida qutritish mahiyitidiki héchkimge paydisi tegmeydighan qilmishlarni sadir qilghanliqigha isharet qilghan altun, bu filimning oxshimighan wariyantlirini buningdin ilgirimu körgenliklirini bildürdi.

girétsiyening xelqara qanunlargha zit shekilde aqilane bolmighan dewalarni qilip yaki xelqara sehnilerde türkiyege qarshi teshwiqat élip bérish,  bésim ishlitish arqiliq pat – patla jiddiychilikni ulghaytip kelgenlikini bildürgen altun, «qoshnimizdiki bezi siyasetchilerning, bashqilarning diqqitini istratégiyelik meghlubiyetlerdin yiraqlashturup, dölet ichide siyasiy qollashqa érishish meqsitide türkiyeni teyyar nishan qilip körsitishtek nacharadetliri bar. qoshnimizgha we shimaliy atlantik ehdi teshkilati — natodiki ittipaqdashlirimizgha bu taktikilarning téximu köp istratégiyelik meghlubiyetlerge mehkum ikenlikini xatirilitimiz. ege déngizida izchil sürkilish peyda qilishning héchkimge paydisi yoq. bu sürkilishning bedili küshkürtküchi terepke nisbeten barghanséri éghirlashmaqta» dégenlerni qeyt qildi.  

bezi yawropa döletlirining türkiyege qarita yolgha qoyghan mesuliyetsizlerche siyasetlirining girétsiyening perwasizlarche heriketlerni sadir qilishi bilen yéqindin munasiwiti barliqini otturigha qoyghan altun, türk xelqini we shimaliy qibris türk jumhuriytini nezerdin saqit qilip, qibrisni yawropa ittipaqigha eza qilishning we türkiyeni sherqiy aqdéngizning sirtida qaldurush üchün girétsiyege ilham bérishning, yawropa paytextlirining üzül – késil charilerni tépishning ornigha hel qilish qiyin mesililerni peyda qilishining koyida ikenlikining bir ülgisini shekillendürgenlikini ilgiri sürdi.

«girétsiyening türkiyege qarshi mesuliyetsizlerche sadir qilghan shunche köp heriketlirige qarimay, türkiye diplomatiye we söhbet arqiliq qolgha keltürülgen charilerni yaqlashni dawamlashturidu» dégen altun, bedilining qandaq bolushidin qetiynezer türkiyening dölet menpeetini qoghdaydighanliqini alahide tekitlep ötti.