malida meydangha kelgen térrorluq hujumlirida 132 puqra jénidin ayrildi
malining ichki qisimliridiki kentlerning shenbe küni kéchisi térrorluq hujumlirigha uchrap, 132 puqraning jénidin ayrilghanliqi bildürüldi.
türkiye awazi radiyosi xewiri: mali hökümiti yazma bayanat élan qilip, bankas nahiyesining dianwéli, diallasago we dégusagow yézilirining 18-iyun kechte meghrib elqaidesige qarashliq katiba makina térrorluq teshkilatining hujumigha uchrap 132 puqraning jénidin ayrilghanliqini uqturdi.
hökümet hujumda hayatidin ayrilghanlarning aile - tawabiatliridin hal soridi we dölet miqyasida üch künlük matem élan qilinghanliqini bildürdi.
sahél rayonidiki «üch dölet chégrasi» dep atiliwatqan burkina faso, mali we nigér yéqinqi yillardin buyan térrorluq teshkilati «elqaide»ge qarashliq guruppilar bilen daéshning hujumlirigha uchrap kelmekte.
2013-yilidin buyan malida chet el herbiy qisimlirining wezipe ötewatqan bolushigha qarimay, térrorluq teshkilatliri weqe peyda qilishni dawamlashturmaqta.
