amérika ukrainagha 1 milyard dollarliq qoral yardem qilidighan boldi

amérika pirézidénti jo baydin 24-féwraldin (2022) béri rusiye bilen urush qiliwatqan ukrainagha 1 milyard dollar yéngi bixeterlik yardimi qilidighanliqlirini élan qildi.

1844088
amérika ukrainagha 1 milyard dollarliq qoral yardem qilidighan boldi

türkiye awazi radiyosi xewiri: amérika pirézidénti jo baydin yazma bayanatida, ukraina pirézidénti wolodimir zélénskiy bilen téléfonda körüshkenlikini we rusiye bilen dawamlishiwatqan urushni muzakire qilghanliqini bildürdi.

baydin bayanatida, amérikaning ukrainagha yardem qilishni dawamlashturidighanliqini tekitlep: «men zélénskiygha amérikaning ukrainagha yene 1milyard dollarliq bixeterlik yardimi qilidighanliqini uqturdum. bu yardemler ichide éghir tiptiki qoral-yaraghlar, déngiz qirghiqi mudapie qoralliridin bashqa yene, ukrainaning donbastiki mudapie herikiti üchün zörür bolghan ilghar bashqurulidighan bomba sistémisimu bar» dédi.

söhbet jeryanida baydin yene, amérikaning urush ziyankshlikige duch kelgen ukrainaliqlargha  yardem bérish wedisini qayta tekitlep: «ukrainaning ichki qismidiki puqralargha 225 milyon dollarliq insanperwerlik yardimi béridighanliqimizni jakarlaymen. bu yardem pakize su, dawalash buyumliri, sehiye buyumliri, yémeklik, turalghu we neq pul qatarliqlarni öz ichige alidu» dédi.



مۇناسىۋەتلىك خەۋەرلەر