pelestin bilen italiye otturisida 17 milyon yawroluq 5 kélishim imzalandi
pelestin bash ministiri muhemmed ishtiyye pelestinde ziyarette boluwatqan italiye bash ministiri diragi bilen gherbiy qirghaqtiki ramallah shehiride körüshti.
türkiye awazi radiyosi xewiri: bash ministir muhemmed ishtiyye uchrishishtin kéyinki birleshme muxbirlarni kütüwélish yighinida söz qilip, italiyelik mensepdishi diragi bilen özara munasiwetlerdin bashqa yene, pelestindiki yéngi özgirishlerni muzakire qilghanliqini bildürdi.
muhemmed ishtiyye italiye bash ministiri diragigha israiliyening mesjidi eqsagha qilghan hujumi, pelestinliklerge qaritilghan sistémiliq öltürüsh we yehudilarni olturaqlashturush siyasiti bilen jiddiychilikni kücheytish qilmishliri heqqide melumat bergenlikini tilgha élip, italiyeni ikki döletlik hel qilish charisi pikrini qoghdashqa we israiliyening qilmishliri tüpeyli buzulghan bu hel qilish charisini qutquzushqa chaqiriq qilghanlini éytti.
italiye bilen pelestin otturisida 17 milyon yawro qimmitide 5 kélishimning imzalanghanliqini bayan qilghan ishtiyye, bu kélishimning sayahet, déhqanchiliq, medeniyet we bashqa bir qisim sahelerni öz ichige alidighanliqini bildürdi.
italiye bash ministiri diragimu pelestinlik mensepdishi ishtiyye bilen rayon xaraktérliq jiddiylikni peseytish we her xil zorawanliqni toxtitish mesilisini muzakire qilghanliqini bildürdi.
diragi yawropa ittipaqigha eza bashqa döletler bilen birge pelestinni dawamliq qollaydighanliqini bayan qildi.
