zélénskiy aldinqi sepni ziyaret qildi

ukraina pirézidénti wolodimir zélénskiy ukrainaning xarkiw shehiridin kéyin, zaporozhwa shehirini ziyaret qilip aldinqi septiki eskerler bilen körüshti.

1838417
zélénskiy aldinqi sepni ziyaret qildi

türkiye awazi radiyosi xewiri: pirézidént zélénskiy yazma bayanatida zaporizhwada aldinqi septiki eskerler bilen körüshkenlikini bildürüp: «silerning ulugh xizmitinglar, mulazimitinglar, hemmimizni we dölitimizni qoghdighanliqinglar üchün rehmet éytimen» dédi.

zélénskiy rusiyening hujumida jénidin ayrilghan ukraina eskerliri üchün bir minut sükütte turghanliqini we rayondiki bir dawalash merkizinimu ziyaret qilghanliqini eskertti.

u yene, rusiye qorshawidin kéyin, mariyupoldin tarqaqlashturulghan puqralar bilenmu körüshüp, yurt-makanliridin köchüriwétilgenlerni muwapiq halda qaytidin orunlashturush üchün heriketke ötüshke wede berdi we: «silerning bu mesilini hel qilishinglargha heqiqiy yardem qilimiz» dédi.

ukraina rehbiri 29-maydimu rusiye armiyesining hujumigha eng köp uchrighan ukrainaning xarkiw shehirini ziyaret qilghan bolup, rusiye armiyesi ukrainagha hujum bashlighan 24 – féwraldin (2022) buyan tunji qétim kiyéw rayonining sirtida körüngen boldi.



مۇناسىۋەتلىك خەۋەرلەر