пирезидент байдин қанлиқ һуҗум йүз бәргән башланғуч мәктәпни зийарәт қилди

америка пирезиденти җо байдин тексас иштатиниң увалде шәһиридә йүз бәргән қораллиқ һуҗум қилиш вәқәсидә 21 киши җенидин айрилған роб (Robb) башланғуч мәктипини зийарәт қилди.

1834498
пирезидент байдин қанлиқ һуҗум йүз бәргән башланғуч мәктәпни зийарәт қилди
biden teksas okul saldirisi1.jpg
biden teksas okul saldirisi.jpg

түркийә авази радийоси хәвири: тексас иштатиниң увалде шәһири роб башланғуч мәктипиниң алдида, қораллиқ һуҗумда җенидин айрилған 19 оқуғучи вә икки оқутқучи үчүн хатириләш мурасими өткүзүлди. мурасимға, пирезидент байдин вә униң аилиси қатнашти.

пирезидент байдин рәпиқиси билән бирликтә мәктәп алдидики хатриләш мурасими өткүзүлгән җайға гүлчәмбирәк қойди.

пирезидент байдин вә рәпиқиси мәктәпни зийарәт қилғандин кейин, шәһәрдики католик черкавида җенидин айрилғанлар үчүн өткүзүлгән дуа мурасимиға қатнашти.

у, бу йәрдә қурбанларниң аилилири, мәктәп мәсуллири вә җиддий қутқузуш хадимлири билән көрүшти.

мурасимға қатнашқан нурғун киши мәктәп бағчисида вә черкавниң алдида пирезидент байдинға чақириқ қилип, қорал елиш-сетиш бәлгилимилири тоғрисида «бир иш қилиш» ни тәләп қилди.

тексас иштатиниң увалде шәһиридики роб башланғуч мәктипидә 24-май (2022) «AR-15» типлиқ аптоматик қорал билән қанлиқ вәқә пәйда қилған 18 йашлиқ салвадор рамос (SalvadorRamos) бир синипниң 19 оқуғучиси вә икки оқутқучисини етип өлтүргән иди.

қораллиқ һуҗумға мунасивәтлик тәкшүрүшләрниң давамлишиватқанлиқи, һуҗумда җенидин айрилған балиларниң аилилириниң сақчиларни вақтида вәқәниң алдини алмаслиқ билән әйбләватқанлиқи қәйт қилинди.



مۇناسىۋەتلىك خەۋەرلەر