baydin: putin pütkül yawropani natolashturdi
amérika qoshma ishtatliri pirézidénti jo baydin rusiye pirézidénti wiladimir putinning pütkül yawropa ellirini finlandiyege oxshash bir terep döletlerge aylandurimen dep hemmisini natolashturghanliqini éytti.
türkiye awazi radiyosi xewiri: baydin, paytext washingtongha yéqin annapolis shehirige jaylashqan déngiz armiyesi akadémiyesining oqush püttürüsh murasimida qilghan sözide, amérika qoshma ishtatlirining yéqinqi mezgillerde, bolupmu rusiye – ukraina urushida rusiyege qaritilghan émbargolar we ukrainagha bériliwatqan yardemler mesiliside bashlamchiliq rolini jari qilduruwatqanliqini tekitlep mundaq dédi: «putin peqet ukrainani qolgha keltürüshnila emes, ukraina xelqining medeniyitini we kimlikini yoqatmaqchi boluwatidu. derweqe, rusiye küchlirining mektepler, yashanghanlar sanatoriyeliri, doxturxanilar we muzéylarni hujum nishani qilishining buningdin bashqa sewebimu yoqtur.»
amérika qoshma ishtatlirining yéqinqi mezgilde finlandiye bilen shiwétsiyening shimaliy atlantik ehdi teshkilatigha ezaliqi basquchini qollawatqanliqinimu eskertken baydin, mundaq dep körsetti: «putin pütkül yawropa ellirini finlandiyege oxshash bir terep döletlerge aylandurimen dep hemmisini natolashturdi (yeni shimaliy atlantik ehdi teshkilati qarmiqidiki bir gewdige aylandurdi).»
