байдин: путин пүткүл йавропани натолаштурди

америка қошма иштатлири пирезиденти җо байдин русийә пирезиденти виладимир путинниң пүткүл йавропа әллирини финландийәгә охшаш бир тәрәп дөләтләргә айландуримән дәп һәммисини натолаштурғанлиқини ейтти.

1834016
байдин: путин пүткүл йавропани натолаштурди

түркийә авази радийоси хәвири: байдин, пайтәхт вашингтонға йеқин аннаполис шәһиригә җайлашқан деңиз армийәси академийәсиниң оқуш пүттүрүш мурасимида қилған сөзидә, америка қошма иштатлириниң йеқинқи мәзгилләрдә, болупму русийә – украина урушида русийәгә қаритилған ембарголар вә украинаға бериливатқан йардәмләр мәсилисидә башламчилиқ ролини җари қилдуруватқанлиқини тәкитләп мундақ деди: «путин пәқәт украинани қолға кәлтүрүшнила әмәс, украина хәлқиниң мәдәнийитини вә кимликини йоқатмақчи болуватиду. дәрвәқә, русийә күчлириниң мәктәпләр, йашанғанлар санаторийәлири, дохтурханилар вә  музейларни һуҗум нишани қилишиниң буниңдин башқа сәвәбиму йоқтур.»

америка қошма иштатлириниң йеқинқи мәзгилдә финландийә билән шиветсийәниң шималий атлантик әһди тәшкилатиға әзалиқи басқучини қоллаватқанлиқиниму әскәрткән байдин, мундақ дәп көрсәтти: «путин пүткүл йавропа әллирини финландийәгә охшаш бир тәрәп дөләтләргә айландуримән дәп һәммисини натолаштурди (йәни шималий атлантик әһди тәшкилати қармиқидики бир гәвдигә айландурди).»



مۇناسىۋەتلىك خەۋەرلەر