xitay bilen rusiye xewpsizlik kéngishining qarar layihesini wéto qildi

türkiye awazi radiyosi xewiri: amérika qoshma ishtatlirining shimaliy koréyege qaritilghan émbargolarni köpeytishni teklip qilghan  qarar layihesi, 15 ezaliq birleshken döletler teshkilati xewpsizlik kéngishide awazgha qoyuldi.

shimaliy koréyege her yili xam néfit éksportining 1 milyon waril azaytilip 3 milyon warilgha, néfit pishshiqlap ishlesh éksportining 125 ming waril azaytilip 375 ming warilgha töwenlitish nishan qilinghan qarar layihesini 13 dölet qollap awaz berdi, xitay bilen rusiye bilen wéto qildi.

birleshken döletler teshkilati xewpsizlik kéngishide herqandaq bir qarar layihesining maqullinishi üchün, 15 ezaning kem dégende 9 i choqum qollap awaz bérishi we amérika qoshma ishtatliri, rusiye, xitay, engliye we firansiye qatarliq 5 daimiy eza dölettin héchqaysisining ret qilip awaz bermesliki kérek.

shimaliy koréyege tamaka we tamaka mehsulatlirining éksport qilinishini cheklesh nishan qilinghan bu qarar layihesi, yene shimaliy koréyening «minéral yéqilghular, minéral maylar we bulardin ayrip ishlepchiqirilghan mehsulatlarning éksport qilinishini cheklesh»  ni nishan qilatti.

bu qarar layihesi arqiliq yene shimaliy koréye axbarat orgini bilen munasiwiti barliqi bildürülgen xakkér «lazarus goruhi» ning mal-mülüklirini tonglitip qoyush nishan qiliniwatatti.

amérika qoshma ishtatlirining birleshken döletler teshkilatida turushluq daimiy wekili linda tomas girinféld, qarar layihesining awazgha qoyulushi harpisida élan qilghan bayanatida, shimaliy koréyening qiteler ara alte ballistik bashqurulidighan bombini sinaq qilish we keng kölemlik qirghuchi qorallarni tereqqiy qildurush arqiliq xelqara tinchliq we bixeterlikke tehdit séliwatqanliqini éytti.

xitayning birleshken döletler teshkilatida turushluq daimiy wekili jang jün, yéngi émbargolarning, «kowid – 19» yuqumigha qarshi  küresh qiliwatqan shimaliy koréyege insaniy aqiwetlerni élip kélidighanliqini, buning, mesilini hel qilishning ornigha, jiddiylikni téximu kücheytiwétidighanliqini ilgiri sürdi.

rusiyening birleshken döletler teshkilatida turushluq daimiy wekili wassiliy nébénziya bolsa, amérika qoshma ishtatlirini, «diyalog ornitishning ornigha émbargolar we shimaliy koréyege qarshi <düshmenlishish> pozitsiyesi tutush yolini tallimaqta» dep eyiblidi.

igilinishiche, birleshken döletler teshkilati xewpsizlik kéngishi, yadro pirogrammisi sewebidin, shimaliy koréyege 2006 – yildin buyan iqtisadiy we herbiy émbargolarni yürgüzmekte iken.