хитай билән русийә хәвпсизлик кеңишиниң қарар лайиһәсини вето қилди

хитай билән русийә баллистик башқурулидиған бомба синақлири сәвәбидин шималий корейәгә қаритилған ембарголарни көпәйтишни тәләп қилған бирләшкән дөләтләр тәшкилати хәвпсизлик кеңишиниң қарар лайиһәсини вето қилди.

1833540
хитай билән русийә хәвпсизлик кеңишиниң қарар лайиһәсини вето қилди

түркийә авази радийоси хәвири: америка қошма иштатлириниң шималий корейәгә қаритилған ембарголарни көпәйтишни тәклип қилған  қарар лайиһәси, 15 әзалиқ бирләшкән дөләтләр тәшкилати хәвпсизлик кеңишидә авазға қойулди.

шималий корейәгә һәр йили хам нефит експортиниң 1 милйон варил азайтилип 3 милйон варилға, нефит пишшиқлап ишләш експортиниң 125 миң варил азайтилип 375 миң варилға төвәнлитиш нишан қилинған қарар лайиһәсини 13 дөләт қоллап аваз бәрди, хитай билән русийә билән вето қилди.

бирләшкән дөләтләр тәшкилати хәвпсизлик кеңишидә һәрқандақ бир қарар лайиһәсиниң мақуллиниши үчүн, 15 әзаниң кәм дегәндә 9 и чоқум қоллап аваз бериши вә америка қошма иштатлири, русийә, хитай, әнглийә вә фирансийә қатарлиқ 5 даимий әза дөләттин һечқайсисиниң рәт қилип аваз бәрмәслики керәк.

шималий корейәгә тамака вә тамака мәһсулатлириниң експорт қилинишини чәкләш нишан қилинған бу қарар лайиһәси, йәнә шималий корейәниң «минерал йеқилғулар, минерал майлар вә булардин айрип ишләпчиқирилған мәһсулатларниң експорт қилинишини чәкләш»  ни нишан қилатти.

бу қарар лайиһәси арқилиқ йәнә шималий корейә ахбарат оргини билән мунасивити барлиқи билдүрүлгән хаккер «лазарус горуһи» ниң мал-мүлүклирини тоңлитип қойуш нишан қилинивататти.

америка қошма иштатлириниң бирләшкән дөләтләр тәшкилатида турушлуқ даимий вәкили линда томас гиринфелд, қарар лайиһәсиниң авазға қойулуши һарписида елан қилған байанатида, шималий корейәниң қитәләр ара алтә баллистик башқурулидиған бомбини синақ қилиш вә кәң көләмлик қирғучи қоралларни тәрәққий қилдуруш арқилиқ хәлқара тинчлиқ вә бихәтәрликкә тәһдит селиватқанлиқини ейтти.

хитайниң бирләшкән дөләтләр тәшкилатида турушлуқ даимий вәкили җаң җүн, йеңи ембарголарниң, «ковид – 19» йуқумиға қарши  күрәш қиливатқан шималий корейәгә инсаний ақивәтләрни елип келидиғанлиқини, буниң, мәсилини һәл қилишниң орниға, җиддийликни техиму күчәйтиветидиғанлиқини илгири сүрди.

русийәниң бирләшкән дөләтләр тәшкилатида турушлуқ даимий вәкили вассилий небензийа болса, америка қошма иштатлирини, «дийалог орнитишниң орниға ембарголар вә шималий корейәгә қарши <дүшмәнлишиш> позитсийәси тутуш йолини таллимақта» дәп әйиблиди.

игилинишичә, бирләшкән дөләтләр тәшкилати хәвпсизлик кеңиши, йадро пирограммиси сәвәбидин, шималий корейәгә 2006 – йилдин буйан иқтисадий вә һәрбий ембарголарни йүргүзмәктә икән.



مۇناسىۋەتلىك خەۋەرلەر