yaponiye singapor we malayshiya bilen pütüshti
yaponiye, singapor we malayshiya bilen «erkin we ochuq hindi-ténch okyan» tesewwuri dairiside ikki tereplik hemkarliqni tereqqiy qildurush toghruluq pütüshti.
türkiye awazi radiyosi xewiri: singapor tashqi ishlar ministiri wiwian balaxrishnan bilen malayshiya tashqi ishlar ministiri seyfuddin abdullah, yaponiyening paytexti tokyoda ziyarette boldi.
balaxrishnan bilen abdullah, yaponiye tashqi ishlar ministiri hayashi yoshimasa bilen ayrim – ayrim körüshüp, «erkin we ochuq hindi-tinch okyan» tesewwuri dairiside, ikki tereplik hemkarliqni kücheytish toghruluq birdeklik hasil qildi.
uchrishishlarda, «rayonning hazirqi halitini qoral küchi bilen özgertiwétishke qarshi turush we déngiz saheside tinchliq we muqimliqni qoghdash» qatarliq mesililer muzakire qilindi.
ministirlar, hepte ichide amérika qoshma shtatlirining rehberlikide ishqa kirishtürülgen «hindi-ténch okyan iqtisadiy ramkisi» dairiside rayonluq hemkarliq pursetliri toghriliqmu muzakire élip bardi.
«hindi-ténch okyan iqtisadiy ramkisi» din, bashlanghuchta amérika qoshma ishtatliri bilen yaponiyedin sirt yene, hindistan, jenubiy koréye, awistiriyaliye, hindinoziye, tayland, singapor, malayshiya, filippin, wyétnam, yéngi zélandiye we brunéy qatarliq döletler orun alidu.
«hindi-ténch okyan iqtisadiy ramkisi», nöwette ezalirining sani bilen dunyadiki milliy ishlepchiqirish omumiy qimmitining % 40 ge teng kélidu.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
