sholz: putinning ukrainagha achqan urushta ghelibe qilalmaydighanliqigha ishinimen

türkiye awazi radiyosi xewiri: shéwiyétsariyening dawos shehiride ötküzülgen 52 - nöwetlik dunya iqtisad munbirigha qatnashqan sholz, yighinning, dunya iqtisad munbirining qurghuchisi kilaus shwabning ishtirak qilishi bilen ötküzülgen «yershari xaraktérlik hemkarliq» bash témisidiki alahide bölümide söz qildi.

u, rusiyening ukrainadiki urushining ukrainaning mewjutluqigha tehdit bolush bilenla qalmay, yéqinqi yillardin buyanqi chong herbiy toqunushlarning aldini élip kéliwatqan xelqara qaidilerni asas qilghan hemkarliq tertipigimu ziyan yetküzgenlikini otturigha qoyup: «shunga bizning meqsitimiz nahayiti éniq. rusiye pirézidénti wiladimir putin urushta ghelibe qilmasliqi kérek idi we men uning ghelibe qilalmaydighanliqigha ishinimen» dédi.

sholz moskwaning ukrainada qozghighan urushigha «putinning meghlubiyiti» dep baha bérip, nöwette rusiyening pütkül ukrainani ishghal qiliwélishi urush bashlanghan chaghdikige qarighanda éhtimaldin téximu yiraqtek qiliwatqanliqini we putinning ukrainadiki barliq istratégiyelik nishanlirigha yételmigenlikini ilgiri sürdi.

u, putinning ukrainani ishghal qilishqa muweppeq bolushining pajielik aqiwetlerni élip kélidighanliqini éytip agahlandurdi.

gérmaniye bash ministiri shoz, putinning shimaliy atlantik ehdi teshkilati — nato, yawropa ittipaqi we yette dölet guruhining ittipaqliq rohi we küchini töwen mölcherlep qalghanliqini sözlirige ilawe qildi.