finlandiye bash ministiri urushning chongqur tesirige uchrighan bucha we irpin sheherlirini ziyaret qildi
finlandiye bash ministiri sanna marin (Sanna Marin) rusiye bashlighan urushning chongqur izlirini körgili bolidighan ukraina paytexti kiyéw etrapidiki bucha we irpin sheherlirini ziyaret qildi.
1833170
türkiye awazi radiyosi xewiri: irpin sheherlik parlaménti finlandiye bash ministiri sanna marinning sheherni ziyaret qilghanliqi toghrisida bayanat élan qildi.
bayanatta, sanna marinning yerlik mesullar bilen sheher qurulushini qaytidin qilishqa yardem qilish mesilisini muzakire qilghanliqi qeyt qilindi.
kiyéw etrapigha jaylashqan bucha we irpin sheherliri rusiye bashlighan tajawuzchiliq urushining chongqur izlirining bar bolushi bilen diqqet qozghimaqta.
bucha shehirini rusiye ishghaliyetchi qisimliridin 1-aprél (2022) azad qilghan ukraina armiyesi, binaliri weyran bolghan, kochiliri jesetlerge tolghan sheherge ayaq basqan idi. kiyéw etrapida azad qilinghan turalghu rayonliridin 410 puqraning jesiti tépilghan idi.
