ukraina rusiyening talapetlirige dair sanliq eng yéngi melumatlarni élan qildi

ukraina bash qomandanliq ishtabi, rusiye armiyesining yéqinqi 24 saet ichide 100, urush bashlanghandin buyan jemiy 29 ming 450 eskiridin ayrilip qalghanliqini bildürdi.

1832386
ukraina rusiyening talapetlirige dair sanliq eng yéngi melumatlarni élan qildi

türkiye awazi radiyosi xewiri: ukraina bash qomandanliq ishtabi, rusiye armiyesining 24 - féwraldin 25 - mayghiche bolghan jeryandiki talapetlirige dair sanliq melumatlarni élan qildi؛ bayanat körsitilishiche, rusiye armiyesi yéqinqi 24 saet ichide 100 esker, 1 ayropilan, 11 uchquchisiz hawa apparati, 3 tanka we 19 bronéwik aptomobilidin؛ urush bashlanghandin buyan bolsa, jemiy 29 ming 450 esker, 206 ayropilan, 170 tik uchar, 1305 tankisidin ayrilip qalghan.

rusiye armiyesining 2218 mashina, 13 paraxot, yénik tipliq téz süretlik kéme we 491 uchquchisiz hawa apparatidinmu ayrilip qalghanliqi ilgiri sürülgen bayanatta,  rusiye qoyup bergen 112 bashqurulidighan bombining ukraina hawa mudapie qisimliri teripidin étip chüshürüwétilgenliki bildürüldi.

bayanatta yene, rusiye armiyesining döletning sherqidiki quruqluq herikitige yardem bérish üchün hawa hujumlirini kücheytkenliki qeyt qilindi.

rusiye dölet mudapie ministirliqi 25-mart bayanat élan qilip, ukrainadiki urushta 1335 rus eskirining ölgenlikini uqturghanidi.

rusiye armiyesi 24-féwral ukrainagha bésip kirip, ishghal herikiti bashlighanidi.


خەتكۈچ: #uyghurche , #talapet , #rusiye , #ukraina

مۇناسىۋەتلىك خەۋەرلەر