iran pirézidénti jazalarni passiplashturush merkizi qurghanliqlirini bildürdi

iran pirézidénti ibrahim reisi, dölitining tereqqiyatigha kapaletlik qilish üchün amérika qoshma ishtatlirining bir tereplime jazalirining bikar qilinishini kütüp turmastin, jazalarni passiplashturushqa ehmiyet béridighanliqlirini éytti.

1832370
iran pirézidénti jazalarni passiplashturush merkizi qurghanliqlirini bildürdi

türkiye awazi radiyosi xewiri: iran resmiy xewer agéntliqi —IRNA ning xewirige qarighanda, pirézidént reisi, qum shehiride diniy erbablarning ishtirak qilishi bilen ötküzülgen paaliyettiki sin körünüshlük nutuqi jeryanida, awstriyening paytexti wiyénnadiki yadro söhbiti we dölitining amérikaning jazalirigha qarshi turush yolliri heqqide toxtilip: «söhbetlerni dawamlashturimiz, emma bashqilarning bizge wakaliten qarar chiqirishini kütüsh arqiliq döletning güllinishini toxtitip qoymaymiz» dégen.

reisi hökümetning iran rehbiri ayetullah eli xamenéy élan qilghan «jazalarni passiplashturush» istratégiyisini ijra qiliwatqanliqini bildürüp: «biz jazalarni bikar qilishtinmu muhim bolghan <jazalarni passiplashturush> üchün bir merkez qurduq. nöwette, bu merkez nahayiti ünümlük xizmetlerni qiliwatidu» dégenlerni qeyt qilghan.


خەتكۈچ: #uyghurche , #amérika , #jaza , #iran

مۇناسىۋەتلىك خەۋەرلەر