بلىنكېن پاشىنيان بىلەن تېلېفونلاشتى

تۈركىيە ئاۋازى رادىيوسى خەۋىرى: ئامېرىكا تاشقى ئىشلار مىنىستىرلىقى يازما بايانات ئېلان قىلىپ، ئانتونىي بلىنكېن بىلەن نىكول پاشىنياننىڭ تېلېفون سۆھبىتى ئۆتكۈزۈپ، رايوندىكى ئەڭ يېڭى ئۆزگىرىشلەر توغرىسىدا ئەتراپلىق شەكىلدە پىكىر ئالماشتۇرغانلىقىنى ئۇقتۇردى.

ئەرمېنىيە بىلەن ئەزەربەيجان ئوتتۇرىسىدىكى دىيالوگنى داۋاملاشتۇرۇشنىڭ مۇھىملىقىغا ئىشارەت قىلغان مىنىستىر بلىنكېن، ۋاشىنگتوننىڭ جەنۇبىي كاۋكاز رايونىنىڭ تىنچلىقىغا قاراپ ئىلگىرىلەۋاتقان ئىجابىي كەيپىياتتىن مەمنۇن ئىكەنلىكىنى بىلدۈردى.

ئۇ يەنە، تۈركىيە بىلەن ئەرمىنىيە ئوتتۇرىسىدىكى مۇناسىۋەتلەرنى نورماللاشتۇرۇش مۇساپىسىنىڭمۇ رايوننىڭ تىنچلىقى، مۇقىملىقى ۋە گۈللىنىشى ئۈچۈن پايدىلىق ئىكەنلىكىنى تەكىتلىدى.