awstraliye 2023 - yilliq «kuad» bashliqlar yighinigha sahibxanliq qilidighanliqini jakarlidi

türkiye awazi radiyosi xewiri: hepte axirida ötküzülgen saylamda ghelibe qilghandin kéyin qesem bérip wezipe tapshurup alghan awstraliye bash ministiri albanés tunji chet el ziyaritining bir qismi süpitide yaponiyening paytexti tokyogha bérip, yaponiyelik mensepdishi kishida fumio sahibxanliq qilghan töt terep bashliqlar yighinigha qatnashti.

twittérdiki adrésida yaponiye bash weziri kishida, amérika pirézidénti jo baydin we hindistan bash ministiri naréndra modi bilen chüshken bir süretni hembehirligen albanés, bashliqlar yighinida rehberler bilen körüshkenlikidin xushal bolghanliqini bildürdi.

«biz kuadta we erkin, ochuq, chidamchan hindi - tinch okyan berpa qilish ortaq iradimizni qayta tekitliduq» dégen albanés, dölitining 2023-yilliq töt terep bashliqlar yighinigha sahibxanliq qilidighanliqini eskertti.

töt dölettin terkib tapqan kuad rehberlirining tunji qétimliq yüzturane uchrishishi 2021-yili 9-ayda pirézidént baydinning sahibxanliqida washingtonda chaqirilghanidi.

töt terep bixeterlik diyalogi mixanizmi (QSD) yaki «kuad» 2007- yili amérika, awstraliye, hindistan we yaponiye otturisida bashlanghan diyalog munbiri bolup, 2017-yili «töt terep ittipaqi» gha özgertilgenidi.

xitaygha qarshi biresmiy istratégiyelik munber dep qariliwatqan «asiyadiki démokratiye egri siziqi» ittipaqigha eza döletler, qismen qerellik uchrishishlarni ötküzüp uchur almashturushni dawamlashturmaqta.