австралийә 2023 - йиллиқ «куад» башлиқлар йиғиниға саһибханлиқ қилидиғанлиқини җакарлиди

австралийә баш министири антоний албанес, дөлитиниң 2023-йиллиқ төт тәрәп бихәтәрлик миханизми — куад (Quad) башлиқлар йиғиниға саһибханлиқ қилидиғанлиқини уқтурди.

1831358
австралийә 2023 - йиллиқ «куад» башлиқлар йиғиниға саһибханлиқ қилидиғанлиқини җакарлиди

түркийә авази радийоси хәвири: һәптә ахирида өткүзүлгән сайламда ғәлибә қилғандин кейин қәсәм берип вәзипә тапшуруп алған австралийә баш министири албанес тунҗи чәт әл зийаритиниң бир қисми сүпитидә йапонийәниң пайтәхти токйоға берип, йапонийәлик мәнсәпдиши кишида фумио саһибханлиқ қилған төт тәрәп башлиқлар йиғиниға қатнашти.

твиттердики адресида йапонийә баш вәзири кишида, америка пирезиденти җо байдин вә һиндистан баш министири нарендра моди билән чүшкән бир сүрәтни һәмбәһирлигән албанес, башлиқлар йиғинида рәһбәрләр билән көрүшкәнликидин хушал болғанлиқини билдүрди.

«биз куадта вә әркин, очуқ, чидамчан һинди - тинч окйан бәрпа қилиш ортақ ирадимизни қайта тәкитлидуқ» дегән албанес, дөлитиниң 2023-йиллиқ төт тәрәп башлиқлар йиғиниға саһибханлиқ қилидиғанлиқини әскәртти.

төт дөләттин тәркиб тапқан куад рәһбәрлириниң тунҗи қетимлиқ йүзтуранә учришиши 2021-йили 9-айда пирезидент байдинниң саһибханлиқида вашингтонда чақирилғаниди.

төт тәрәп бихәтәрлик дийалоги миханизми (QSD) йаки «куад» 2007- йили америка, австралийә, һиндистан вә йапонийә оттурисида башланған дийалог мунбири болуп, 2017-йили «төт тәрәп иттипақи» ға өзгәртилгәниди.

хитайға қарши бирәсмий истратегийәлик мунбәр дәп қариливатқан «асийадики демократийә әгри сизиқи» иттипақиға әза дөләтләр, қисмән қәрәллик учришишларни өткүзүп учур алмаштурушни давамлаштурмақта.



مۇناسىۋەتلىك خەۋەرلەر