méksikada qoralliq hujum yüz bérip nurghun adem öldi
méksikaning paytexti méksika shehirining shimalidiki bir méhmanxanida yüz bergen qoralliq hujumda 11 adem qaza qildi, 4 adem yarilandi.
1831675
türkiye awazi radiyosi xewiri: méksika taratqulirining xewer qilishiche, qoralliq zorawanlar paytext méksika shehirining shimalidiki bir méhmanxanigha bésip kirip, etrapqa qalaymiqan oq chiqirishqa bashlighan. hujumda 11 kishi hayatidin ayrilghan, 4 kishi yarilanghan.
alaqidar tarmaqlarning bildürüshiche, qoralliq zorawanlar kéyinche méhmanxanigha ot qoyuwetken, hemde méhmanxanigha tutash ikki qawaqxanini köydürüwetken.
weqedin kéyin ot öchürüsh etretliri neq meydangha yétip bérip, ot öchürgen, sehiye etretliri bolsa yaridarlarni doxturxanigha orunlashturghan.
buningdin bashqa yene, rayongha köp sanda dölet xewpsizlik xadimliri ewetilgen.
igilinishiche, hujum, teshkillik jinayet teshkilatlirining özara hésablishishi sewebidin kélip chiqqan.
