парижда қатарниң әлчиханисиға бесип кириш вәқәси йүз бәрди
қатарниң парижда турушлуқ әлчиханисиға бесип кирмәкчи болған бир киши алдини тосқан аманлиқ сақлиғучини өлтүрди.
түркийә авази радийоси хәвири: фирансийә мәтбуатлириниң сақчи даирилирини мәнбә көрсәткән хәвәрлиригә асасланғанда, бир киши пайтәхт парижниң әң ават кочилириниң бири болған чампс елисесқа йеқин 8-районға җайлашқан тилситеттики қатар әлчиханисиға бесип кирмәкчи болған.
әлчиханиға бесип кирмәкчи болған киши билән йүз бәргән тоқунушта, аманлиқ сақлиғучи җенидин айрилған. сақчилар җинайәт гумандарини қолға алған.
истихбарат мәнбәлири җинайәт гумандариниң илгириму бир қисим җинайи делоси барлиқини билдүрди.
тәптиш мәһкимиси җинайәт гумандарини «қәстән адәм өлтүрүш» җинайити билән тәкшүрүшни башлиди. террорлуққа қарши күрәш тәптиш мәһкимисиниң бу мәсилигә техи қол тиқмиғанлиқи уқтурулди.
йәнә бир тәрәптин, бәзи мәнбәләр гумандарниң әлчиханиға бесип киргәнликини вә вәқәниң әлчиханиниң ичидә йүз бәргәнликини билдүрди.
