italiye bash ministiri ukraina pirézidénti wolodimir zélénskiy bilen körüshti
italiye bash ministiri mariyo diragi ukraina pirézidénti wolodimir zélénskiy bilen téléfonda körüshti.
türkiye awazi radiyosi xewiri: italiye bash ministirliqining bayanatida, diragi bilen zélénskiyning söhbitide ukrainadiki toqunushlarning eng yéngi weziyiti muzakire qilinghanliqi bildürüldi.
bayanatta, «diragining söhbitide (24-féwral ukrainagha urush élan qilghan rosiyege qarita) 6 – émbago pilanining testiqlinishigha bolghan éhtiyaj, portlardiki qamalni emeldin qaldurushning zorürliki muzakire qilindi. ukrainaning yawropa ittipaqigha eza bolishini italiyening toluq qollaydighanliqi tekitlendi» déyildi.
zélénskiymu diragi bilen körüshkenlikige dair twittér hésabida hembehirligen uchurida: «mudapie sahesidiki hemkarliq, 6 – émbago pilanining yürüshlükini tézlitish we ukraina portidiki qamalni bikar qilish mesilisi muzakire qilindi. yawropa ittipaqigha ezaliq yolida italiyening ukrainani shertsiz qollap quwwetligenliki üchün minnetdarliq bildürüldi» dégen sözlerni ishletti.
