италийә баш министири украина пирезиденти володимир зеленский билән көрүшти

италийә баш министири марийо дираги украина пирезиденти володимир зеленский билән телефонда көрүшти.

1830236
италийә баш министири украина пирезиденти володимир зеленский билән көрүшти

түркийә авази радийоси хәвири: италийә баш министирлиқиниң байанатида, дираги билән зеленскийниң сөһбитидә украинадики тоқунушларниң әң йеңи вәзийити музакирә қилинғанлиқи билдүрүлди.

байанатта, «дирагиниң сөһбитидә (24-феврал украинаға уруш елан қилған росийәгә қарита) 6 – ембаго пиланиниң тәстиқлинишиға болған еһтийаҗ, портлардики қамални әмәлдин қалдурушниң зорүрлики музакирә қилинди. украинаниң йавропа иттипақиға әза болишини италийәниң толуқ қоллайдиғанлиқи тәкитләнди» дейилди.

зеленскийму дираги билән көрүшкәнликигә даир твиттер һесабида һәмбәһирлигән учурида: «мудапиә саһәсидики һәмкарлиқ, 6 – ембаго пиланиниң йүрүшлүкини тезлитиш вә украина портидики қамални бикар қилиш мәсилиси музакирә қилинди. йавропа иттипақиға әзалиқ йолида италийәниң украинани шәртсиз қоллап қуввәтлигәнлики үчүн миннәтдарлиқ билдүрүлди» дегән сөзләрни ишләтти.



مۇناسىۋەتلىك خەۋەرلەر