yaponiye xitaygha naraziliq bildürdi

yaponiye xitayning sherqiy xitay déngizida chégra qobul qilinghan rayonda «bir tereplimilik tebiiy gaz burghilash paaliyiti» élip bérishigha naraziliq bildürdi.

1830095
yaponiye xitaygha naraziliq bildürdi

türkiye awazi radiyosi xewiri: yaponiye bash weziri kishida fumio, kyoto shehiride zhurnalistlargha bergen bayanatida, xitayning sherqiy xitay déngizida «bir tereplimilik tebiiy gaz burghilash paaliyiti» élip barghanliqini tekitlep mundaq dédi: «iqtisadiy alahide rayon we chong quruqluqning chégra liniyeliri békitilmigen ehwal astida, xitayning bu jayda <bir tereplimilik tebiiy gaz burghilash paaliyiti> élip bérishi kishini tolimu epsuslanduridu we buni qobul qilghili bolmaydu.»

yaponiye tashqi ishlar ministirliqi teripidin  élan qilinghan bayanattimu, sherqiy xitay déngizida, «ikki döletning chégra liniyesi» qilip békitilgen rayon etraplirida «bir tereplimilik tebiiy gaz burghilash paaliyiti» élip bérilghanliqining éniqlap chiqilghanliqi bildürüldi.

yaponiye tashqi ishlar ministirliqi asiya we okyaniye ishliri bash diréktori funakoshi takéxiro, béyjing hökümitini, 2008-yildiki birleshme paaliyetni öz ichige alghan kélishimge asasen qayta söhbet ötküzüshke chaqirdi.

yaponiye we xitay hökümetliri, 2008-yili mezkur déngiz liniyesi rayonida, birleshme tebiiy gaz layihesini tereqqiy qildurush toghruluq birdeklik hasil qilghan bolsimu, emma söhbet 2010-yili toxtitilghanidi.

bu ikki döletning déngiz sahilliri otturisidiki mezkur déngiz liniyesi, tokyo hökümiti teripidin «chégra liniyesi» dep qaralmaqta.

xitay hökümiti bolsa, özining iqtisadiy alahide rayonining, chong quruqluqidin téximu yiraqta ikenlikini  ilgiri sürmekte.



مۇناسىۋەتلىك خەۋەرلەر