коломбийә пирезиденти: түркийә билән истиратегийәлик һәмраһлиқтин хурсәнмиз

коломбийә пирезиденти иван дук маркуз түркийә билән дөлити оттурисидики мунасивәтләрниң «истиратегийәлик һәмраһлиқ» сәвийәсигә йәткүзүлүшидин өзлирини шәрәплик һес қилидиғанлиқини билдүрди.

1830062
коломбийә пирезиденти: түркийә билән истиратегийәлик һәмраһлиқтин хурсәнмиз

түркийә авази радийоси хәвири: коломбийә пирезиденти иван дук маркуз, түнүгүнки истанбул зийарити вә түркийә – коломбийә мунасивәтлири һәққидә ахбарат васитилириға бәргән байанатида, икки дөләт оттурисидики сода омумий соммисиниң барғансери ешиватқанлиқини, нөвәттә түркийә – коломбийә оттурисидики сода омумий соммисиниң 500 милйон доллардин ашқанлиқини, буниң наһайити муһимлиқини, кәлгүси йилларда икки һәссә көпийиш мумкинчиликиниң барлиқини әскәртиш билән бир вақитта, түркийәниң дөлитидә ул әслиһә вә сиҗил енергийәни өз ичигә алған саһәләргә мәбләғ селишидин интайин хурсән икәнликлирини, буларниң давам қилишини үмид қилидиғанлиқини, коломбийәниңму йеңи мәһсулатлар билән түркийә базарлириға киришни арзу қилидиғанлиқини, түркийә ширкәтлириниң колумбийәдә йәрлик шерикләрни ениқлап чиқиши вә коломбийә ширкәтлириниң түркийәгә келип йошурун базар вә херидарларни издиши мәсилисидә көзгә көрүнәрлик илгириләшләрниң болуватқанлиқини, түркийә – коломбийә оттурисидики мунасивәтләрниң «истиратегийәлик һәмраһлиқ» сәвийәсигә йәткүзүлүшидин өзлирини шәрәплик һес қилидиғанлиқлирини тәкитләп мундақ деди: «түркийә җумһурийити җумһур рәиси рәҗәп таййип әрдоғанниң бу һәқтики қарарини қизғин алқишлаймән, буниңдин толиму хурсәнмиз һәм өзимизни шәрәплик һес қилимиз. түркийә армийәси һәққидә ишләнгән <бөрү> намлиқ телевизийә тийатирини бирқанчә қетим көрдүм. мениңчә бу қалтис телевизийә тийатири болуп, буни көридиғанлар наһайити көп.»

у йәнә, һәр икки дөләттики телевизийә тийатири саһәсиниң бир йәргә җәм қилинип, түркийә – коломбийә ортақ телевизийә тийатириниң ройапқа чиқирилишини үмид қилидиғанлиқлириниму сөзлиригә илавә қилди.



مۇناسىۋەتلىك خەۋەرلەر