amérika: türkiyening endishilirini hel qilish mumkin

amérika qoshma ishtatliri türkiyening finlandiye bilen shiwétsiye mesilisidiki endishilirini hel qilghili bolidighanliqini bildürdi.

1829619
amérika: türkiyening endishilirini hel qilish mumkin

türkiye awazi radiyosi xewiri: amérika qoshma ishtatliri dölet bixeterlik  ishliri meslihetchisi jeyk sulliwan, shiwétsiye bilen finlandiyening shimaliy atlantik ehdi teshkilatigha ezaliqi mesiliside türkiye we jumhur reis rejep tayyip erdoghan otturigha qoyghan bixeterlik endishilirini hel qilghili bolidighanliqini éytti.

u, amérika qoshma ishtatliri pirézidénti jo baydinning jenubiy koréye w yaponiye ziyariti esnasida, pirézidéntliq ayropilanida muxbirlarning soallirigha jawab bergende, pirézidént baydinning tünügün shiwétsiye we finlandiye rehberliri bilen körüshkenlikini, amérika qoshma ishtatlirining bu ikki döletning shimaliy atlantik ehdi teshkilatigha ezaliqi musapisini toluq qollawatqanliqini eskertti, hemde türkiyening bu ikki döletning shimaliy atlantik ehdi teshkilatigha ezaliqi basquchigha alaqidar pozitsiyesi heqqide mundaq dédi: «shiwétsiye bilen finlandiyening shimaliy atlantik ehdi teshkilatigha ezaliqi mesiliside türkiye we jumhur reis rejep tayyip erdoghan otturigha qoyghan bixeterlik endishilirini söhbet arqiliq hel qilish mumkin.»

özining mensepdéshi ibrahim qalin bilen, amérika qoshma ishtatliri tashqi ishlar ministiri antoni blinkénningmu türkiye jumhuriyiti tashqi ishlar ministiri mewlüt chawushoghlu bilen körüshkenlikini qeyt qilghan sulliwan, mundaq dep körsetti: «hem finlandiye pirézidénti hemde shiwétsiye bash ministiri, türkiye jumhuriyiti jumhur reisi rejep tayyip erdoghan we xizmet etriti bilen biwasite körüshüsh niyiti barliqini bildürdi, derweqe, etretler körüshüsh üchün türkiyege baridu.»

u, bu mesilining hel qilinishi üchün amérika qoshma ishtatlirining biwasite jumhur reis rejep tayyip erdoghan bilen söhbet ötküzüsh niyitining yoqluqini, chünki bu mesilining eslide, türkiye bilen finlandiye we shiwétsiye otturisida hel qilinishqa tégishlik bir mesile ikenlikinimu sözlirige ilawe qildi.



مۇناسىۋەتلىك خەۋەرلەر