америка: түркийәниң әндишилирини һәл қилиш мумкин

америка қошма иштатлири түркийәниң финландийә билән шиветсийә мәсилисидики әндишилирини һәл қилғили болидиғанлиқини билдүрди.

1829619
америка: түркийәниң әндишилирини һәл қилиш мумкин

түркийә авази радийоси хәвири: америка қошма иштатлири дөләт бихәтәрлик  ишлири мәслиһәтчиси җәйк сулливан, шиветсийә билән финландийәниң шималий атлантик әһди тәшкилатиға әзалиқи мәсилисидә түркийә вә җумһур рәис рәҗәп таййип әрдоған оттуриға қойған бихәтәрлик әндишилирини һәл қилғили болидиғанлиқини ейтти.

у, америка қошма иштатлири пирезиденти җо байдинниң җәнубий корейә в йапонийә зийарити әснасида, пирезидентлиқ айропиланида мухбирларниң соаллириға җаваб бәргәндә, пирезидент байдинниң түнүгүн шиветсийә вә финландийә рәһбәрлири билән көрүшкәнликини, америка қошма иштатлириниң бу икки дөләтниң шималий атлантик әһди тәшкилатиға әзалиқи мусаписини толуқ қоллаватқанлиқини әскәртти, һәмдә түркийәниң бу икки дөләтниң шималий атлантик әһди тәшкилатиға әзалиқи басқучиға алақидар позитсийәси һәққидә мундақ деди: «шиветсийә билән финландийәниң шималий атлантик әһди тәшкилатиға әзалиқи мәсилисидә түркийә вә җумһур рәис рәҗәп таййип әрдоған оттуриға қойған бихәтәрлик әндишилирини сөһбәт арқилиқ һәл қилиш мумкин.»

өзиниң мәнсәпдеши ибраһим қалин билән, америка қошма иштатлири ташқи ишлар министири антони блинкенниңму түркийә җумһурийити ташқи ишлар министири мәвлүт чавушоғлу билән көрүшкәнликини қәйт қилған сулливан, мундақ дәп көрсәтти: «һәм финландийә пирезиденти һәмдә шиветсийә баш министири, түркийә җумһурийити җумһур рәиси рәҗәп таййип әрдоған вә хизмәт әтрити билән биваситә көрүшүш нийити барлиқини билдүрди, дәрвәқә, әтрәтләр көрүшүш үчүн түркийәгә бариду.»

у, бу мәсилиниң һәл қилиниши үчүн америка қошма иштатлириниң биваситә җумһур рәис рәҗәп таййип әрдоған билән сөһбәт өткүзүш нийитиниң йоқлуқини, чүнки бу мәсилиниң әслидә, түркийә билән финландийә вә шиветсийә оттурисида һәл қилинишқа тегишлик бир мәсилә икәнликиниму сөзлиригә илавә қилди.



مۇناسىۋەتلىك خەۋەرلەر