amérika kéngesh palatasi 40 milyard dollarliq ukraina yardem layihesini testiqlidi

amérika kéngesh palatasi pirézidént jo baydinning ukraina üchün 33 milyard dollar telep qilghan we awam palatasi buni 40 milyard dollargha chiqarghan yardem layihesini testiqlidi.

1829558
amérika kéngesh palatasi 40 milyard dollarliq ukraina yardem layihesini testiqlidi

türkiye awazi radiyosi xewiri: amérika kéngesh palatasi pirézidént jo baydinning ukraina üchün telep qilghan yardem layihesini 11 awazning qarshi turushi, üch awazning hoquqidin waz kéchishi we 86 awazning qoshulushi bilen testiqlidi. layihening emeliylishishi üchün pirézidént jo baydin testiqlishi kérek.

amérika tashqi ishlar ministiri antoni blinkénmu amérika armiyesi terkibidin ukrainagha bérilidighan 100 milyon dollar qimmitidiki 10-herbiy yardem layihesini testiqlighanliqini élan qildi.

u bu heqtiki yazma bayanatida: «pirézidént jo baydinning permani boyiche ukrainaning mudapiesi üchün amérika mudapie ministirliqi terkibidiki qimmiti 100 milyon dollar bolghan 10-qétimliq qoral-yaragh bilen teminlesh pilanini testiqlidim. buning bilen, rusiye ukrainani 24-féwral (2022) zalimlarche we sewebsiz ishghal qilishni bashlighandin buyan amérikaning ukrainagha qilghan qoral-yaragh yardimi 3.9 milyard dollargha chiqqan boldi» dédi.     



مۇناسىۋەتلىك خەۋەرلەر