америка кеңәш палатаси 40 милйард долларлиқ украина йардәм лайиһәсини тәстиқлиди

америка кеңәш палатаси пирезидент җо байдинниң украина үчүн 33 милйард доллар тәләп қилған вә авам палатаси буни 40 милйард долларға чиқарған йардәм лайиһәсини тәстиқлиди.

1829558
америка кеңәш палатаси 40 милйард долларлиқ украина йардәм лайиһәсини тәстиқлиди

түркийә авази радийоси хәвири: америка кеңәш палатаси пирезидент җо байдинниң украина үчүн тәләп қилған йардәм лайиһәсини 11 авазниң қарши туруши, үч авазниң һоқуқидин ваз кечиши вә 86 авазниң қошулуши билән тәстиқлиди. лайиһәниң әмәлийлишиши үчүн пирезидент җо байдин тәстиқлиши керәк.

америка ташқи ишлар министири антони блинкенму америка армийәси тәркибидин украинаға берилидиған 100 милйон доллар қиммитидики 10-һәрбий йардәм лайиһәсини тәстиқлиғанлиқини елан қилди.

у бу һәқтики йазма байанатида: «пирезидент җо байдинниң пәрмани бойичә украинаниң мудапиәси үчүн америка мудапиә министирлиқи тәркибидики қиммити 100 милйон доллар болған 10-қетимлиқ қорал-йарағ билән тәминләш пиланини тәстиқлидим. буниң билән, русийә украинани 24-феврал (2022) залимларчә вә сәвәбсиз ишғал қилишни башлиғандин буйан американиң украинаға қилған қорал-йарағ йардими 3.9 милйард долларға чиққан болди» деди.     



مۇناسىۋەتلىك خەۋەرلەر