nato: finlandiye bilen shiwétsiyege bérilidighan kapalet 5-maddigha oxshimaydu

nato herbiy komitétining bashliqi rob bawa (Rob Bauer) natogha eza bolush iltimasini sunghan finlandiye bilen shiwétsiyege, eza bolghiche bérilidighan bixeterlik kapaletlirining, nato shertnamisining 5-maddisi boyiche bolmaydighanliqini éytti.

1829530
nato: finlandiye bilen shiwétsiyege bérilidighan kapalet 5-maddigha oxshimaydu

türkiye awazi radiyosi xewiri: türkiyege wakaliten yashar güler qatnashqan nato armiye ishtabi bashliqliri yighini, bélgiye paytexti biryusséldiki nato merkizide échildi.

nato herbiy komitétining bashliqi rob bawa we nato ittipaqdash qisimlirining aliy qomandani tod woltérz (Tod Wolters) muxbirlarning soallirigha jawab berdi.

rob bawa natogha ezaliq iltimasi sunghan shiwétsiye bilen finlandiyege bixeterlik kapaliti bérilip-bérilmeydighanliqi toghrisidiki soalgha, ezaliqqa waqit kétidighanliqini, ikki döletning natogha eza bolushi üchün 30 ittipaqdash döletning awaz birliki bilen testiqlishi kéreklikini xatiriletti.

u: «bu jeryanda ikki döletning bixeterlik kapaletlirining bolushi nahayiti muhim. bu kapaletler 5-maddigha oxshimaydu. chünki her ikki dölet téxi natogha eza bolmidi. hemmimiz bilgendek, finlandiye bilen shiwétsiyege bixeterlik kapaletliri bérish üchün pikir birliki hasil qilghan döletler bar» dédi.

u yighinda 24-féwraldin (2022) buyan rusiyening tajawuzigha uchrawatqan ukrainaning nöwettiki weziyitiningmu muzakire qilinghanliqini bildürüp, ukraina armiye ishtabi bashliqi wolériy zaluzhniyning ittipaqdash döletlerning qomandanlirigha eng yéngi melumatlarni bergenlikini qeyt qildi.

u mundaq dédi:

«ukraina xelqining pütünley erkinlikke érishish üchün adaqqiche urushush iradisini teqdirleymiz. ukraina rusiyening ishghaliyitini hergiz qobul qilmaydu. natomu ukrainaning telepliri boyiche yardem qilishni dawamlashturidu.»



مۇناسىۋەتلىك خەۋەرلەر