rusiye armiyesi 24 saette 200 eskiridin ayrilip qaldi
ukraina armiye bash ishtabi rusiyening 24-féwraldin 19-mayghiche (2022) bolghan ariliqta tartqan talapetlirige munasiwetlik yéngi melumatlarni élan qildi.
türkiye awazi radiyosi xewiri: ukraina armiye bash ishtabi rusiye armiyesining yéqinqi 24 saette 200 eskiridin ayrilip qalghanliqini élan qildi.
ukraina armiye bash ishtabining bu heqtiki bayanatida, rusiye armiyesining jemiy 28 ming 500 eskirini yoqitip qoyghanliqini, buningdin bashqa, 203 ayropilan, 167 tik uchar, 1 ming 254 tanka, 3 ming 63 bironiwik, 595 zembirek, 199 rakéta atar, 93 hawa qoghdinish sistémisi, 2 ming 157 herbiy aptomobil, 13 her xil tiptiki paraxot, 455 uchquchisiz hawa apparatining pachaqlinip tashlanghanliqi qeyt qilindi.
bildürülishiche, rusiye armiyesi atqan 103 bashqurulidighan bombimu hawada pachaqlinip tashlanghan.
rusiye dölet mudapie ministirliqi 25-martta (2022) bayanat élan qilip, ukrainada 1 ming 351 eskerning jénidin ayrilghanliqini élan qilghan idi.
