rusiye shiwétsiyening natogha kirish qararigha inkas qayturdi

rusiye shiwétsiyening nato (shimaliy atlantik ehdi teshkilati) gha kirish qararigha bolghan inkasining shiwétsiyede chet elning herbiy baziliri we qoral-yaraghlirining orunlashturulushigha baghliq ikenlikini élan qildi.

1829042
rusiye shiwétsiyening natogha kirish qararigha inkas qayturdi

türkiye awazi radiyosi xewiri: rusiye tashqi ishlar ministirliqining yazma bayanatida, shiwétsiyening moskwada turushluq bash elchisi maléna mardning rusiye muawin tashqi ishlar ministiri wladimir titowgha shiwétsiye hökümitining natogha kirish qarari heqqide melumat bergenliki bildürüldi.

bayanatta, rusiye terepning shiwétsiyening natogha kirishtiki meydanigha qarita köp qétim resmiy bayanat élan qilghanliqi we dölet bixeterlikige kapaletlik qilishning yollirini tallash her bir döletning igilik hoquqi ikenliki, emma buning bashqa döletlerning bixeterlikige tehdit élip kelmesliki kérekliki tekitlinip, « herbiy-téxnikiliq tereplerni öz ichige alghan bizning inkasimiz we mumkin bolghan öch élish tedbirlirimiz, shiwétsiyening natogha eza bolushining heqiqiy aqiwitige, jümlidin shiwétsiye tupriqigha chet el herbiy bazisi we hujum qilish qoralliri sistémisining orunlishishigha baghliq bolidu» déyildi.


خەتكۈچ: #shiwétsiye , #rusiye

مۇناسىۋەتلىك خەۋەرلەر