firansiye we ispaniyening diplomatliri rusiyede qarshi élinmaydighan kishiler élan qilindi

rusiye tashqi ishlar ministirliqi ispaniyening rusiyediki 27 diplomati we firansiyening 34 diplomatining «qarshi élinmaydighan kishiler» élan qilinghanliqini bildürdi.

1829074
firansiye we ispaniyening diplomatliri rusiyede qarshi élinmaydighan kishiler élan qilindi

türkiye awazi radiyosi xewiri: rusiye tashqi ishlar ministirliqi ispaniyening 27 diplomatining «qarshi élinmaydighan kishiler» élan qilinghanliqi toghrisida yazma bayanat élan qildi.

bayanatta, ispaniyening moskwadiki bash elchisi markos goméz martinézning ministirliqqa chaqirilip, madrid hökümitining 27 rusiye diplomatini qarshi élinmaydighan kishiler élan qilghanliqigha naraziliq bildürülgenliki qeyt qilindi.

dostane bolmighan bu qedemning rusiye bilen ispaniye otturisidiki munasiwetlerge ziyan salghanliqi eskertilgen bayanatta: «buninggha jawaben, ispaniyening moskwadiki elchixanisi we saint pétérsburgdiki konsulxanisida xizmet qilidighan 27 diplomat qarshi élinmaydighan kishiler élan qilindi. bu kishiler toghrisidiki qarar elchixanilargha uqturulghandin tartip yette kün ichide chégradin chiqip kétishi kérek» déyildi.

ispaniye tashqi ishlar ministiri josé manuél albarés axbarat élan qilish yighinida: «bu biz kütüwatqan qarar idi. rusiye diplomatlirini chégradin qoghlap chiqirish qarari chiqarghan waqtimizda, bundaq ishlarning bolidighanliqini éytqan idim» dédi.

rusiye firansiyening 34 diplomatinimu «qarshi élinmaydighan kishiler» élan qildi.

rusiye tashqi ishlar ministirliqining bayanatida, firansiyening moskwadiki bash elchisi piyéz liwining ministirliqqa chaqirilip, rusiyening firansiyediki 41 diplomatining toghra bolmighan qarar bilen «qarshi élinmaydighan kishiler» élan qilinghanliqigha qattiq naraziliq bildürülgenliki qeyt qilindi.

bayanatta: «bu qarargha jawaben, rusiyediki firansiye elchixanilirida xizmet qiliwatqan 34 diplomat <qarshi élinmaydighan kishiler> élan qilindi. bu kishiler toghrisidiki qarar elchixanilirigha uqturulghandin tartip ikki hepte ichide rusiye chégrasidin chiqip kétishi kérek» déyildi.      



مۇناسىۋەتلىك خەۋەرلەر