sérgéy riyabkow: «bizni <adettikiche jawab qayturidu> dep oylap qalmisun»

rusiyening muawin tashqi ishlar ministiri sérgéy riyabkow finlandiye we shiwitsiyening shimaliy atlantik ehdi teshkilatigha eza bolush qararining bu döletlerning bixeterlikini hergiz kücheytmeydighanliqini éytti.

1827672
sérgéy riyabkow: «bizni <adettikiche jawab qayturidu> dep oylap qalmisun»

türkiye awazi radiyosi xewiri: riyabkow paytext moskwada muxbirlargha bergen bayanatida, finlandiye we shiwitsiyening shimaliy atlantik ehdi teshkilatigha kirish qarari üstide toxtaldi.

sérgéy riyabkow, «shiwitsiye we finlandiyening shimaliy atlantik ehdi teshkilatigha kirish teshebbusi éghir aqiwetlerni keltürüp chiqiridighan chong xataliq. bu qarar netijiside her ikki döletning bixeterlikining kücheymeydighanliqi bizge ayan. bizni bu qarargha <adettikiche jawab qayturidu> dep oylap qalmisun, herbiy jiddiylikning derijisi örleydu» dédi.

finlandiye pirézidénti sauli ninisto we finlandiye bash ministiri sanna marin aldinqi peyshenbe künidiki birleshme bayanatida: «shimaliy atlantik ehdi teshkilatigha eza bolush finlandiyening bixeterlikini kücheytidu. finlandiye kéchikmestin shimaliy atlantik ehdi teshkilatigha eza bolushqa iltimas sunushi lazim» dégen idi.

shiwitsiye bash ministiri magdaléna andérsonmu öz dölitining shimaliy atlantik ehdi teshkilatigha eza bolush bilen qolgha kélidighan resmiy bixeterlik kapalitige éhtiyaji barliqini éytqan idi.

shiwitsiye we finlandiyening charshenbe künigiche shimaliy atlantik ehdi teshkilatigha eza bolushqa iltimas sunishi mölcherlenmekte.



مۇناسىۋەتلىك خەۋەرلەر