rusiye 24 saette 2 ming 400 eskiridin ayrilip qaldi
ukraina armiye bash ishtabi rusiye armiyesining 27 ming 700 esker, 200 ayropilan, 165 tik uchar we 1 ming 228 tankisini yoqitip qoyghanliqini élan qildi.
türkiye awazi radiyosi xewiri: ukraina armiye bash ishtabi rusiye armyesining talapetliri toghrisida yéngi melumatlarni élan qildi.
rusiye armiyesining 24-féwraldin (2022) 16-mayghiche bolghan mezgilde tartqan talapetliri toghrisidiki bayanatta, rusiye armiyesining yéqinqi 24 saette yéngidin 2 ming 300 eskiridin ayrilip qalghanliqi qeyt qilindi.
bayanatta, rusiye armiyesining jemiy 27 ming 500 eskiridin ayrilip qalghanliqi, buningdin bashqa, 200 ayropilan, 165 tik uchar, 1 ming 228 tanka, 2 ming 974 bironiwik, 577 zembirek, 195 rakéta atar, 89 hawa qalqan mudapie sistémisi, 2 ming 101 herbiy aptomobil, 13 dane her xil yénik tiptiki paraxot we 427 uchquchisiz hawa apparatining pachaqlinip tashlanghanliqi bildürüldi.
eskertilishiche, rusiyening 97 dane bashqurulidighan bombisi hawada étip chüshürüwétilgen.
rusiye dölet mudapie ministirliqi 25-martta (2022) bayanat élan qilip, ukrainada 1 ming 351 eskirining jénidin ayrilghanliqini bildürgen idi.
مۇناسىۋەتلىك خەۋەرلەر
israiliye liwangha hawa hujumi qozghidi
israiliye armiyesi liwanning jenubigha keng kölemlik hawa hujumi qozghidi.
