qatar emiri erdoghangha minnetdarliq bildürdi

türkiye awazi radiyosi xewiri: sheyx temim, ammiwi ortaqlishish tor béti Twitter sehipiside, tünügün ishqa ashurghan istanbul ziyariti  we «wahdettin sariyi» da jumhur reis erdoghanning özini ishik aldida kütüwalghanliqi heqqide élan qilghan foto süretlik bayanatida, mundaq dédi: «tünügün qérindishim hörmetlik jumhur reis erdoghan ependim bilen istanbulda bir yerge jem bolduq. uchrishishta, ikki terep munasiwetliri, ikki qérindash dölet ortaq köngül bölidighan rayonluq we yer shariwi mesililerge dair yéqinqi özgirishler heqqide özara pikir almashturduq.  méni qizghin kütülwalghanliqi üchün, jumhur reis erdoghangha rehmet éytimen.»

jumhur reis rejep tayyip erdoghan, tünügün qatar emiri sheyx temim bin hemed alsanini, istanbuldiki «wahdettin sariyi» ning derwazisi aldida qarshi alghan, kéyinche sarayda söhbetleshken ikki rehber, axbarat wasitilirigha yépiq halette körüshkenidi.