amérika bilen sherqiy jenubiy asiya elliri ittipaqi rehberliri yighini xitayni biaram qildi

xitay jo baydinning washingtonda ötküzgen sherqiy jenubiy asiya elliri ittipaqi rehberliri bilen uchrishish yighinidin ilgiri, «xitayning asasliq menpeetige chétilidighan mesililerde ot bilen oynashmasliqi kérek» dep agahlandurush élan qildi.

1826542
amérika bilen sherqiy jenubiy asiya elliri ittipaqi rehberliri yighini xitayni biaram qildi

türkiye awazi radiyosi xewiri: amérika we sherqiy jenubiy asiya elliri ittipaqigha eza döletler rehberliri aqsarayda ötküzülgen amérika-sherqiy jenubiy asiya elliri ittipaqi bashliqlar yighinida bir yerge jem boldi.

amérika prézidénti jo baydin aqsaray baghchisida sherqiy jenubiy asiya elliri ittipaqigha eza dölet rehberliri bilen aile resimige chüshti.

resimge chüshüsh paaliyitidin kéyin, rehberler kechlik ziyapetke qatnashti.

aqsaray bashliqlar yighini dairiside, amérika  bilen sherqiy jenubiy asiya elliri ittipaqigha eza döletler otturisida bolupmu kélimat, tereqqiyat, maarip, déngiz-okyan sahesidiki hemkarliq we dunya sehiye bixeterlik mesilisi qatarliq témilarning muzakire qilinghanliqini élan qildi.

malaysiya, hindonéziye, bérma, brunéy, kambodzha, laos, filippin, singapor, tayland we wyétnamdin terkib tapqan sherqiy jenubiy asiya elliri ittipaqi 1967-yili 8-awghust qurulghan bolup, rayondiki döletlerning iqtisadiy, siyasiy, bixeterlik we ijtimaiy medeniyet hemkarliqini qollashni meqset qilidu.

yene bir tereptin xitay, jo baydinning washingtonda ötküzgen sherqiy jenubiy asiya elliri ittipaqi rehberliri bilen uchrishishidin ilgiri, «xitayning asasliq menpeetige chétilidighan mesililerde ot bilen oynashmasliqi kérek» dep amérikagha qarita agahlandurush élan qildi.

xitay tashqi ishlar ministirliqi bayanatchisi jaw lichén amérikaning rayon sirtidiki dölet bolush süpiti bilen rayonning tinchliqi we tereqqiyatini ilgiri sürüshte aktip we ijabiy rol oynishi kéreklikini tekitlidi.

bayanatchisi jaw lichén, «amérika hemkarliq nami astida bashqilarni terep tallashqa zorlashtin saqlinishi yaki xitayning négizlik menpeetige chétilidighan mesililerde ot bilen  oynashmasliqi kérek» dégen sözlerni ishletti.  



مۇناسىۋەتلىك خەۋەرلەر