yéngi zélandiye sayahetchilerge chégra éghizlirini achidu
yéngi zélandiyening iyul éyining axirliridin bashlap barliq döletlerdin kélidighan sayahetchilerge chégra éghizlirini achidighanliqi bildürüldi.
türkiye awazi radiyosi xewiri: pütkül dunyagha tesir körsetken «kowid – 19» yuqumi mezgilide qattiq terbirlerni qollanghan yéngi zélandiye hökümiti, 31 – iyuldin bashlap, xitay we hindistan qatarliq bashqa döletlerdin yéngi zélandiyege kiridighan sayahetchilergimu chégra éghizlirini échishni qararlashturdi.
31 – iyuldin bashlap, sayahettin burunqi «kowid – 19» yuqumi tekshürüsh mejburiyitiningmu bikar qilinidighanliqi qeyt qilindi.
yéngi zélandiye bash ministiri jasinda ardérn, bikar qilinghan chégra tedbirlirining talantliq köchmen ishlemchilerning döletke téximu köp kirishide türtkilik rol oynaydighanliqini bayan qildi.
yéngi zélandiye aldinqi ayda awistiriyaliye puqraliri we amérika qoshma ishtatliri bilen engliyenimu öz ichige alghan 50 nechche yawropa dölitige chégra éghizlirini achqanidi.
sayahet, yer shariwi «kowid – 19» yuqumidin ilgiri her yili texminen 3 milyon sayahetchi ziyaret qilidighan yéngi zélandiyening muhim kirim menbeliridin biri hésablinidu.
