ئاتاقلىق جىنايەتچى ئاتونېلنىڭ ئامېرىكاغا ئۆتكۈزۈپ بېرىلىشى قوراللىق توقۇنۇشقا سەۋەب بولدى

تۈركىيە ئاۋازى رادىيوسى خەۋىرى: توقۇنۇشتا 6 كىشى قازا قىلدى.

كلان دېل گولفو ناملىق جىنايەت تەشكىلاتىنىڭ ئەزالىرى ئاتونېلنىڭ ئامېرىكاغا تاپشۇرۇپ بېرىلىشىنىڭ ئىنتقامىنى ئېلىش ئۈچۈن كولومبىيەنىڭ ھەممىلا جايلىرىدا «قوراللىق ئىش تاشلاش» دەپ نام بېرىلگەن ھۇجۇملىرىنى باشلىدى.

ھۇجۇمنىڭ ئالدىنقى 3 كۈنىدە 180 دىن ئارتۇق ئاپتوموبىلغا ئۆت قويۇپ بېرىلدى. كولۇمبىيەدىكى توقۇنۇشلاردا بىر نەپەر ساقچى ۋە بىر نەپەر ئەسكەرنى قوشقاندا جەمئىي 6 كىشى ھاياتىدىن ئايرىلدى.

بىخەتەرلىك قىسىملىرىنىڭ كلان دېل گولفو تەشكىلاتىغا قارشى ھەرىكىتىدە، تەشكىلاتنىڭ باشلامچىلىرىدىن بىرىنى قوشقاندا، جەمئىي 92 كىشى قولغا ئېلىندى.

ئاتونېل پايتەخت بوگوتادىكى دىجىن تۈرمىسىدىن ئېلىنىپ، 5-مايدا كاتام ھەربىي ئايرودرومىدىن نيۇ-يوركقا قاراشلىق برۇكلىندىكى فېدېراتسىيە تۈرمىسىگە ئېلىپ كېلىنگەن ئىدى.

كولۇمبىيەدە ئونلىغان قاتىللىق، تۇتقۇن قىلىش، جىنايى تەشكىلات قۇرۇش ۋە زەھەرلىك چېكىملىك ​​ئەتكەسچىلىكى قاتارلىق 120 خىل جىنايەت بىلەن سوتلىنىۋاتقان جىنايەت تەشكىلاتى كلان دېل گولفونىڭ كاتتىبېشى ئوتونېلنىڭ ئامېرىكىدا زەھەرلىك چېكىملىك ​​توشۇش جىنايىتى بىلەن سوتلىنىدىغانلىقى بىلدۈرۈلگەن ئىدى.

ئوتونېل 23-ئۆكتەبىردە كولۇمبىيەنىڭ غەربىي شىمالىدىكى نېكوكلى يېزىسىدا 22 تىك ئۇچار، 650 ساقچى ۋە ئەسكەرلەر قاتناشقان «ئوسىرىس» ناملىق ھەرىكەتتە نازارەتكە ئېلىنغان ئىدى.

ئامېرىكا «ئەڭ خەتەرلىك زەھەرلىك چېكىملىك ​​ئەتكەسچىلىرىدىن بىرى» دەپ كۆرسەتكەن ئوتونېل ئامېرىكاغا توننىلارچە كوكايىن يوللاش بىلەن ئەيىبلەنگەن ئىدى.