украина армийәси бәзи сәпләрдә қайтурма һуҗумға өткән

түркийә авази радийоси хәвири: украина армийәсиниң баш қомандани волерий залужний телеграм адресида байанат елан қилип, америка армийә қоманданлиқ иштаби башлиқи марк миллей (Mark Milley) билән телефонда көрүшкәнликини билдүрди.

у уруш вәзийити тоғрисида марк миллейға мәлумат бәргәнликини әскәртип: «дүшмән күчлириниң луханск райониға топланғанлиқини, попасна, креминна вә торске районлирида шиддәтлик урушниң давамлишиватқанлиқини, украина армийәсиниң харкив һәмдә изйум сепидә қайтурма һуҗумға өткәнлики тоғрисида мәлумат бәрдим» деди.

у марк миллей билән украинаға қорал-йарағ әвәтиш мәсилисиниму музакирә қилғанлиқлирини қәйт қилди.