rusiyening ukrinada ölgen eskerlirining sani 24 mingdin ashti
ukraina armiye qomandanliq ishtabi rusiyening 24 ming 700 eskirining öltürülgenlikini, 196 ayropilan, 155 tik uchar we 1092 tankisining pachaqlap tashlanghanliqini bildürdi.
türkiye awazi radiyosi xewiri: ukraina ukraina armiye qomandanliq ishtabi rusiye armiyesining 24-féwraldin 5-mayghiche (2022) bolghan ariliqta tartqan talapetlirini élan qildi.
bu heqtiki bayanatta, yéqinqi 24 saette ukrainagha hujum qilghan rusiye armiyesining 200 eskirini yoqitip qoyghanliqi eskertildi.
bayanatta, rusiye armiyesining yene, 2 ming 651 bironiwik, 499 zembirek, 169 rakéta atar, 83 hawa qalqan sistémisi, 1907 herbiy aptomobil, 10 paraxot, 312 uchquchisiz hawa apparatining pachaqlap tashlanghanliqi bildürüldi.
bayanatta, ukraina armiyesining rusiyening 89 bashqurulidighan bombisinimu hawada pachaqlap tashlighanliqi qeyt qilindi.
rusiye dölet mudapie ministirliqi 25-martta (2022) élan qilghan bayanatida, ukrainada 1351 eskirining jénidin ayrilghanliqini bildürgen idi.
مۇناسىۋەتلىك خەۋەرلەر
rusiyede bombardimanchi ayropilan chüshüp ketti
rusiyening stawropol rayonida bombardimanchi ayropilan chüshüp ketti.